Marzo 2016
“In de la nebbia” è il sesto racconto pubblicato, sempre tratto da “Quand fasevi el sciaffoeur de piazza” del nostro… Luisin Tassita e... l’unica cosa che non ci azzecca è che capita proprio allo sbocciare della Primavera. MA...
Per leggere tutto il post clicca sull'immagine a lato oppure qui
... non credo questo possa non farti apprezzare ugualmente la simpatia, la naturalezza e spontaneità del racconto ed ancora la sincerità nell'ammettere che anche un tassista…
Prima di iniziare a leggere il racconto, voglio sottoporti tre pezzetti di frasi, che mi sono annotato, (estrapolate dal loro contesto, volutamente per difficoltarti l’intuizione del significato) per vedere se quanto milanese sei. Io l’ho capito solo nel contesto del discorso.
… giri a stondera…
… sòlit trepp de…
… sù ’l tegnon…
Buona lettura. elbor
ps. Io questo mestiere l'ho fatto solo sette anni, ma anche me è capitato**, anzi a tutti i tassisti è capitato...
In de la nebbia
Sera d'inverna, frecc de biss, Milan l'è tutta involtiada denter d'ona nebbia inscì talment spessa tant de podè tajala cont el cortell... Son lì sul postegg de Via Torricelli saraa dent in del tassi a tirà l'ora che finiss el mè torna e per passa temp scolti dal mangianaster i ultim canzon che hoo faa cont el Maester Pinott. Tocch... tocch... l'è vun ch’el picca el finestrin, sbasi el veder e vedi on scior cont el baver rialzaa e la sciarpa de lana che ghe quatta la bocca.
“Tassista, el saria bon de portamm in Piazza Firenze de la part che gira el tramm?”
“Perdinci! Son chì a pòsta!”
“Ma con tutta 'sta nebbia, a l'è sicur de faghela?”
“Calaria alter, l'è el mè mestee! Se gira con la nebbia, sòtta el sô, quand pioeuv fiòcca e tempesta... cosa el cred?”
“Và ben và ben... allora che me derva la portera... me fidi de lù”
“El pò stà tranquill... el me lassa fà de mì, el vedarà che mì el pòrti san e salv a destinazion”. El se còmoda sul sedil posterior e a pass de lumaga se và, ma senti el client che dedree el se agita per cercà de lumà de chì e de là de travers di veder panaa:
“Tassista... ch'el se ferma”
E mì me fermi “Gh'è on queicòss che và minga ben?”
“Nò nò, fina adess semm andaa ben. Se ghe dispias minga voraria vegnì denanz. Quatter oeucc ghe veden pussee de duu. Ghe par?”
Me ven de rid “S'el voeur vegnì denanz ch’el se comada pur... ma per mì cambia nagòtt. Son suefaa a viaggià per Milan in 'sta manera, e m'è mai succeduu nient”
El ven denanz , se setta giò al mè fianch, el 'sta quiett per on moment, e poeu guzzand la vista el barbòtta:
“Me par che l'abbia sbagliaa la strada”
“La minga dii Piazza Firenze?...
Da la fila di lampion son sicur de vess sul Cors Sempion donca, la strada l'è giusta”
“Sì sì, ma però ch'el svòlta giò a la prima via de destra.”
“S'el sà la strada mei de mì... sòtta a la soa responsabilità svòlti giò de doe el voeur lù”
“D'acòrd d'acòrd, lù ch'el svòlta e poeu ch'el vaga semper drizz fina a la segonda de sinistra.”
E svòlta a destra e svòlta a sinistra, e voo a finì de perdes in mezz a la nebbia.
Finalment rivomm in Piazza Firenze, inscì el dis lù.
“El ved che la lus lì. L’è la lus del Circol Coltural dove me spetten i mè amis. Car el mè òmm, anca se foo minga el tassista, el mè sens d'orientament, se pur in mezz a la nebbia, la minga faa cilecca. Quanto l’è ch'el sègna el tassametro?
El me paga e me dà là mancia.
“Grazie tassista e bòna nòtt!”
“Grazie scior, e bon divertiment!”
Giri indree per fà cunt de imbroccà el Cors Sempion, ma vedi minga pusse d’ona spana de là del mè nas.
Vegni giò del tassi per cercà on quei sègn de riferiment, giri a stondera fina a quand che tasti on mur... ghe voo adree e rivi a on cancell... voo adree al cancell... e tasti ona pòrta sarada. Pizzi on sofranell e leggi “Cimitero Maggiore Orario d’ingresso dalle ore 8 alle ore 17”
"Bòia d'on mond! Alter che Piazza Firenze! Son chì a trii chilòmetri pussee avanti, a Musòcch in fond del Vial Certosa. Adess bisògna che troeuvi la strada per tornà in centro. Chi de client a s'tora ne troeuvi minga de sicur... magara on fantasma.
“De pòcch lontan vedi on foeugh, monti sul tassi e ghe voo arent. L'è el sòlit trepp de battòn che se scalden intorna ai fiamm d'on coperton d'utumòbil ch'el brusa. Sbasi el veder e ghe dimandi a quella che la pareva la capa de la bergamina:
“Per piesè sciora! A voo ben de chì per andà in cors Sempion?”
In quella senti ona vos rabbiosa:
“Che razza de pelandroni che gh'è in gir! Se pò fidass de nissun... dovevi andà in Piazza Firenze e on bamba de tassista el m'ha portaa a Musòcch!... Toeuh vah! Ghe n'è chì on alter!
“Tassista, el saria bon de portamm in Piazza Firenze?”
L'era ancamò el client de prima!
Hoo tiraa sù el veder e son partii quasi de corsa per minga taccà lit. E per la rabbia vedevi pù nanca la nebbia.
Ma dòpo poeu, pensand a quell tal proverbi “Bisògna batt el ferr intanta che l'è cald...” Ecco chi el sonett:
Nebbion
S'el brav poetta el sent l'ispirazion,
el cor sù 'l Mont Parnas, e quand l'è in scima
se mett la papalina sù ’l tegnon,
e dent del natural poetich clima,
l'è bon de dì, magara... ch’el nebbion
per lù a l'è domà materia prima
de birlinghitt e pizz in proporzion
del moresin gentil de mett in rima.
Ma giò del Mont Parnas, però el tassista
s'el voeur coi sò penser a fà on esamm
de òmm coi gòmm in terra e realista,
per lù 'l nebbion a l’è domà catramm,
'na smaggia scura, d’incoster negher,
che scancella tutt de la del veder.
... e s’ciavo !
E allora... le frasi fuori dal contesto? le avevi capite anche senza leggerle nel loro paragrafo?
Lascia un commento per confermarmi se le ho tradotte giuste. elbor
** naturalmente di perdermi, nella nebbia, in un quartiere nuovo, tra gli svincoli delle tangenziali o in campagna... e sempre al ritorno, col raggionat smorzaa.
Se necessiti di un paio di consigli tecnici, per lasciare il tuo commento a questo a questo racconto, clicca sull'icona SOS Mail qui a lato, ed accederai alla scheda tecnica, che in quattro semplici passaggi ti chiarirà tutti i dubbi.
Se scrivom... elbor