Dicembre 2015 
Non è una novità, che le composizioni del Renato Colombo, passino da temi profondi come; qual è il luogo del riposo eterno dei Poeti, alla nascita della cazzoeula, dai ricordi giovanili del Navili, alla sublimazione dei mondeghili, così… 

 

Per leggere tutto il post clicca sull'immagine a lato oppure qui

 

… con quel suo stile serafico e gioviale, ma che a volte, quando tratta alcuni argomenti, si rifà a quella "blasfemia" popolare che probabilmente abbiamo dimenticato (...è una mia opinione) che può scuotere il lettore. E questa volta, m’ha inviato una sua poesia che ne è un chiaro esempio, riconoscendo a Noè, il primato di... No è meglio se lo scopri tu.
Assieme alla poesia n’ha inviato anche una vignetta, che non ho decifrato la firma, ma che non escludo, se la sia fatta fare ad hoc da qualche suo amico illustratore… Glielo chiederò.

Buona lettura. elbor 

 

El vin che grand invenzion"
di Renato Colombo

G’emm de ringrazzià vun sconossuu

che ai temp de Noè e de la soa arca

‘na piantisella l’aveva sconduu

in quant gh’era pù de pòst in la barca

gh’eren sù tucc i animai possibil

quei domestich e quei terribil.

 

L’aveva pensaa a on vegetal

ch’el cresseva spontaneo sòtta el sô

su quest gh’era pròppi nient de mal,

ma de parer divers l’era el resgiô

d’altra part l’era lù ch’el comandava

Noè inscì a salpà el se apprestava.

 

Dòpo quaranta dì, de gran tronad,

ma anca de nòtt gh’era minga pas

l’era tutt on tirà vent e pempestad

che se podeva nò mett foeura el nas

finalment finii sto gran gibilee

podeven sù la terra rimett i pee.

 

Eren lì! Dio grazia! Cont i pee in terra

e voreven fà on ringraziament

quell capitaa l’era pegg d’ona guerra

aveven mai vist simil avveniment

Ringrazià? Si! D’accòrd! Ma come fà?

Gh’aveven nagòtt! Alora va a pensà.

 

Come podè risòlv sto gran problèma?

El Signor on quaicòss el se spettava

pensa e ripensa se trà insèma

poeu in del coo la lus la se pizzava!

La piantisella!! Cont i bacch rotond

che poeu l’avaria invas tutt el mond.

 

Portala subit giò! Sù st’isolòtt!

Poeu se ne femm? Come podè dovralla?

Mangià i bacch cruu? Oppur mangiai còtt?

Gh’era minga temp de stà a cinquantalla

finalment s’è troaa la soluzion

on poo per cas on poo per combinazion.

 

Dòpo avè staccaa i bacch e avei ben spremuu

e lassaa tutt riposaa in d’on gran vas

on dolz liquid ambraa hann ottegnuu

dòpo tutt eren minga di babuas

inscì a sta manera l’è nassuu el vin

per ringrazià el Pader Celèst, Divin.

 

Bev che te bevet per ringraziament

dòpo tutt l’andava giò lisc ‘me l’òli

al Noè ghe ciappaa on accident;

sarà staa anca come on rosòli,

ma se sentiva girà tutt el coo

n’aveva bevuu tanto on bell poo.

L’aveva perduu anca la memòria

l’è staa Noè! El primm ciocch de la stòria.

 

L'illustrazione allegata alla poesia inviata dal Renato.