Settembre 2015
È veramente un mestiere strano, quello del tassista. Chi non l’ha fatto, stenta a credere che questa professione possa renderti spettatore o attore di certi fatti. 

Per leggere tutto il post clicca sull'immagine a lato oppure qui

Sarà la convinzione che quell’uomo alla guida non lo incontrerà mai più, ma a volte il Cliente si sente libero di raccontare… tutto, anche le questioni più intime, considerando così il tassista quasi un confessore. Sarà il condizionamento che subisce entrando nell’abitacolo, un ambiente nel quale si può sentire ospite o “padrone”, che a volte lo fa comportarsi come non fa da nessun’altra parte- Sarà perché viaggiare, che sia da casa alla stazione, dall’ufficio all’aeroporto o in un luogo che non si conosce dove è meglio andareci col taxi, ma le sintonie tra le persone che “viaggiano” in quel TAXI sono molto simili a quelle di una spedizione sull’Himalaia. Senza considerare il rapporto, intenso, profondo, lacerante e stressante che si crea quando si divide col tassista la responsabilità di un buon esito di un’emergenza, del tipo… soccorso sanitario (che… fortunatamente oggi accade molto, ma molto meno spesso di una volta).

Fortunatamente, nella vita professionale di un tassista ci sono anche una bella “carrellaata” di perle di aneddoti divertenti, storie simpatiche, fatti bizzarri, ed avventure incredibili, che fanno di questo mestiere, uno dei più belli… al mondo.

DANGER - PELIGRO – GEFAHR - PERICOL (l’ultima l’è in milanes) Con i 18 anni che il Luigi Carcano ha passato sul suo TAXI, sulla piazza di Milano, la sensibilità e la capacità narrativa che gli appartenevano, la passione ed abilità di scrivere in dialetto milanese, se ci sediamo tranquilli in poltrona a leggere “Sciaffoeur de piazza” il ventaglio di aneddoti e di avventure raccontati dal “Luisin tassista”, corriamo il rischio di volerci licenziare del nostro “vecchio” posto di lavoro, per cominciare quello nuovo di TASSISTA. Ma visto che io non voglio scombussolarti la vita, te lo proporrò a piccole dosi. 

Oggi iniziamo col racconto; “Ona giornada balorda”.

Buona lettura. elbor

El Luisin tassista ha scritto diversi racconti, poesie, canzoni in milanese e che trattano temi ed aspetti della nostra Città. Per avere maggiori informazioni, sulle sue opere e dove trovare le sue pubblicazioni, il figlio Marco ha organizzato un sito al quale accedi direttamente cliccando qui.

Ps. Io ho svolto la professione di tassista nella città di Milano dal ’83 all’89, del secolo scorso. 

Quand fasevi el sciaffoeur de piazza

Luigi Carcano (el Luisin tassista)

Tra la missolta di leg che regola la natura, ghe n'è voeuna che la fà cor el temp vers el doman. E mì, per mettom on poo al ripar di conseguenz de 'sta leg del lòfi, che me slontana  semper de pù de quell che l'era la mia gioventù, hoo pensaa ben de tiramm in ment de quand, padron di mè fòrz, fasevi el sciaffoeur de piazza e scrivevi de sana pianta, i mè stòri, cont el lenguagg tal e qual come quell che m'hann insegnaa i mè vegg, e adess negher sul bianch, ne cunti sù ona quei voeuna. Ma perchè de sana pianta?

Perchè gh’è staa on moment che i mè stòri hann scavalcaa i finestritt del mè tassi per andà finì in di bottegh di libree, sì ma però rangiaa sù segond conforma in garanzia de certi convenienz minga de pòcch malizios, e de tanto lontan di mè intenzion. 

La trama, tutta de sana pianta mia de mì, di alter stòri andaa finì anca lor a fà bella mostra in di bottegh di libree, l’hann fada saltà foeura de bell bell, inscì come nient el fuss, in part... di mè “CORIANDOL DE PARÒLL MILANES IN POESIA” In part... di settmila e passa vers del mè “DEDREE DI QUINT DEL SEGOND CONFLITT MONDIAL” E in part... di paròll di mè canzonett pubblicaa sui dischi e sui musicassett. 
La man ledina e lunga la riva on poo depertutt! 
La rimanenza di stòri che hoo scritt con l’incòster nostran resten chì arent a mì per rigordagh ai pòsteri l’orgòli di mè magon. 

 Ona giornada balorda 

“Oej Luisin...” Me dis el Tògn  “L'è bella la vita del tassista, èh? 
In macchina tutt el santo dì e senza fà fadiga, cont el tassametro ch'el và sù de perlù” 
“Cara ti, te le cuntet sù sòave... te le cuntet.  Ma però tègn a ment ch'el ragionatt...” 
“Cosa gh'entra el ragionatt?” 
“El gh'entra el gh'entra! El ragionatt nun gh'el disomm al tassametro perchè l'è quell che sègna la contabilità. Ma per fall andà bisògna ruzall; e bisògna mett in cunt anca tucc i accident che pòden capità” 
“E già... banditi...incident... mòrt e ferii” 
“Minga assee, gh'è di alter disgrazi” 
“Cunta... cunta!” 
Donca, l'ann passaa de feragost s'eri lì al posteg de la Crosetta a cicciarà col Cazzaniga, quand se presenta on scior, alt distint, ben intappaa ch'el me dimanda “Libero?” “Son chì a pòsta per servill” E lù: “Portatemi a Limbiate. Per strada mi fermerò a fare qualche rilievo tecnico.” 
El ragionatt l'era content perchè de mòrta stagion capita minga tròpp de spess de andà foeura del dazi. 
Intanta che se và, stoo scior el me spiega che lù l'è on colonell de la Nato. 
“Ciosca! Quest chì” Disevi denter de mì “El me pagarà in dollari” 
El tegneva ben strengiuda in scòssa ona borsetta pièna de chissà che diavol de   segrett. 
Appèna passaa la Cassina Amata el dis: “Alt” 
Me fermi, e lù el tira foeura de la borsetta el palpee che l'era ona mappa tutta segnada de spegasc bloeu, ross, verd, la rangia in direzion di quatter vent, el marca soeuja mi?...  el và giò in del praa, el me fà sègn de tegnigh adree. Femm on cinquanta pass e el se scruscia in terra. 
“Si presuppone che da qui vengono i carri armati, da nord la fanteria, la in fondo dietro le piante della  cascina, per i grossi calibri sarebbe il posto ideale.” 
Se torna indree, se rimonta sul tassi e via de bell noeuv... el ragionatt el girava che l'era on piesè... 
Datòsi che hoo faa anca mì el soldaa e son vegnuu sù dal tacch cont i Alleaa per combatt contra i toder a Montelungo, Cassino, Roma e sù la Gotega,  hoo minga resistii a la voeuja de taccà discors. 
Gentilment el m'ha faa ona lezion sù la tattega moderna che son restaa come quell de la mascherpa a sentì la gran evoluzion di mezzi cingolati che l'era la soa specialità. 
Rivomm a Limbiaa e el me fà lassà la provincial per andà in d'on sit dove gh'era ona villa antiga in mezz al verd e con denanz ona cancellada. 
“Questo è un comando segreto della Nato. Devo andare a rapporto con il generale capo” El me fa  “Ed interverranno altri colleghi di pari grado. Sarà questione al massimo di un'ora. Poi proseguiremo l'ispezione sul versante  orientale del fiume Adda.” 
“Temp de Dio seguta” Pensavi “El ragionatt el saltarà in aria per la contentezza e mì finalment podaroo sarà sù el cunt cont el meccanich.” 
Metti la macchina a l'ombra, tiri a man el giornal e on'ora la passa svelta. La segonda on poo men... Hoo faa on girett perchè gh'avevi i gamb inranghii e per ciappà on poo d'aria bòna; a la fin voo lì in del portinar. 
“Ch’el me scusa... el pò dimm se la riunion di colonei l'andarà avanti ancamò per on pezz?” 
El me guarda sospettos... “Ma lù chì l'è?” 
“Sont el tassista che l'ha portaa chi el colonell di car armaa de la Nato. El m'ha ditt de spettall e l’è dò or che spetti...” 
“I car armaa? Ch'el se còmoda chì in portineria... voo a toeu informazion precis”. 
Riva on alter ch'el voeur savè la rava e la fava, oej, ma semper bottonaa. Hoo capii che tirava minga aria bòna. E già... quand a gh’è de mezz el segrett militar se va cont i pee de piomb... Anca quell là el me dis de spettà. Inscì, tra el gnacch e petacch passa via on altra oretta. Nisba! 
Finalment, ven voltra on scior con la barba che se capiss che l'era on cagnon gròss e el me dimanda cossa foo lì. 
Stavòlta, faccia scura, ghe rispondi per i rimm. 
“A l'è trè or che son chì spettà el colonell di car armaa che l’è andà a rappòrt cont el general... devi cantall in musica che son minga ona spia. Ohh? Se stoo rappòrt el riva mai a la fin, ch'el me faga el piesè de regordamm al colonell e, se ghe fuss di difficoltà, el me faga pagà el tassi che podaria andà a cà. Cont el telefono lù el podarà semper fann vegnì on alter de Milan. Parli ben o parli mal?” 
“Parla benissimo!” El me rispond “Ora chiamo l'addetto ai sevizi interni e le faccio pagare anche la sosta. L'adetto è quell signore là, in fondo del cortile in crocchio con altre persone.” 
El và anca lù e vedi de stà distant ch'el parla con l'addetto. Meno mal, l'era ora... seri quasi stuff. Dòpo on poo ven l'addetto insèma a duu cont el cames bianch che a oeucc e cros i stimavi duu specialista de l'arma chimica, e ghe fann al portinar: 
“Questo lo portiamo al cinquantuno” 
“Che manera de parlà?” Salti sù “Gh’è minga bisògn de portamm. I gamb ghi hoo anca mì per vegniv adree” 
“Si basta però te faghet minga stòri, nèh vera bell fiolett... se de nò te mettom la camisa” 
“Che camisa?” 
“La camisa de fòrza: semm a Mombell... si o nò?” 
“A Mombell? Semm a Mombell?” Me metti adree a vosà. 
“Ma vialter si matt...  chi gh'è on sbali... mi son minga matt...  mi sont el tassista del colonell di car armaa de la Nato. L'hoo portaa chì... sarann tre or adess...” 
E lor a sganasass del rid. 
“Giusta l'alter dì gh’è rivaa el Sindona de Noeuva York, ier el sindegh de Catanzaro e incoeu, varda on poo! El tassista de la Nato... semm a pòst. Calava doma lù”. 
Gh’hoo avuu on bell pari a vosà. Anzi l'era pesg, e per schivà la camisa de fòrza hoo dovuu andagh adree quiett 'me on bè, ma me tegneven d'oeucc. 
Quell de la barba che l'era poeu el direttor del manicomi l'ha ordinaa de mettom in lett in pigiama e de spettà el dottor. Per gionta serom sòtt a feragost e dottor, mònich e infermee eren tucc al mar o ai monti. 
Finalment troeuven on dottorin de primm pelo che se dègna de visitamm. El me smiccia in di oeucc cont ona lampedina, el me fà caminà cont i brasc slongaa inanz come on sonnabol, e poeu el scorliss el coo come per dì che gh'è nient de fà. 
In quell moment lì, me son vist perduu e hoo pregaa el Signor de tegnimm la soa santa man in su 'l tegnon... 
“Voo foeura pù de chì... nanca a vosà, piang e pregà... nissun me darà a trà” 
Ma el Signor l'ha vist la mia disperazion e 'l m'ha ispiraa. 
"Scior dottor” Gh'hoo ditt pussee calmo che podevi... “Gh'ho ancamò foeura el tassi col tassametro che gira;  la miee la me spetta a cà. Se lù el me tègn chì in osservazion, chissà per quanto temp, sont on òmm ruvinaa, on pòver  lavorador 'sassinaa in del sò mestee. Mì ghe giuri sù la testa di mè fioeu che ona persòna vera,  colonell o minga colonell,  l'hoo portada chì e la dev vess denter ancamò, perchè l’hoo minga vista tornà foeura. El portinar l’ha lassada passà senza dimandagh nient, donca l'è vun de chì... mì ghe scongiuri de fà on contròll” 
Fòrse el me credeva nò, ma l'è staa onest... el se fà dà la lista de tucc quei in libera uscita, e che eren tornaa denter in giornada. Vun el risultava tornaa tre or fà. 
El dottor l'ha ciamaa el portinar e el gh'ha dimandaa chi l'era stoo tal. “L'è quell ch'el gh'ha la fissa de vess tenent de la marina”. Tombola!... l’era propi lù stoo disgraziaa. Domà che passand de marinar a carrista el m'ha fregaa dò vòlt; voeuna a cunt del ragionatt e l'altra a famm passà per matt, perchè se avarissi dimandaa subit del tenent de la marina, el portinar l'avaria capii che se trattava de quell matt che m'aveva casciaa di cann per minga pagà la corsa. 
Son rivaa a cà a tarda sira, stravòlt con duu oeucc che pareven semafòri... e la resgiora a saltamm adòss. 
“L'è questa l'ora de vegnì a cà?... Gainatt... te se andaa a l'osteria o in strusa cont ona quei pelanda... a la toa età! Vergògna... e i danee de la giornada?... Adess voo giò mì a vedè cosa marca el tassametro...” §
El ragionatt quasi quasi l'è restaa senza numer per marcà giò l'incass de la giornada... che sonada!... E ghe vorsuu del bell e del bon per fà quiettà la dònna. 
“Ringrazia el Signor che podevi restà saraa dent in manicòmi per on para de mes... e magara tutta la vita se davi foeura de matt sul seri!” 
E questa l'è voeuna di tanti gabol che pòden capità a on pòver sciaffoeur de piazza in d'ona giornada... de scarogna.

... e s’ciavo !