Aprile 2016
Tutti i tassisti sanno, che se il cliente non uno di quelli che usa il taxi abitualmente, il dubbio che per portarlo a destinazione, gli stia facendo fare il giro del mondo… ce l’ha.
Per leggere tutto il post clicca sull'immagine a lato oppure qui
Ma che il cliente ti dica che la prossima volta… “non la faccia più così corta” è un evento davvero raro.
E al Noster Luisin tassista… gh’è capità.
Buona lettura elbor
La pusse curta
Careghi duu sciori anzian, marì e miee, me dann l'indirizz e voo per la strada di navili a l'nterno del serpenton che l'è transit autorizzaa domà per: “i mezzi pubblici”
La sciora la me domanda insospetida:
“Ma che strada el fà?”
“La pusse curta! Perchè? La và minga ben?”
“Ma el mè marì el fà mai che la strada chì quand vemm con la nòstra macchina. Nèh Arturo?... Ma perchè tì te le fee mai?”
“Ma Teresa... te vedet nò che l'è riservada ai autobus e ai tassi?”
“La me par minga ona robba giusta. La leg la dovaria vess listessa per tucc. Nèh vera tassista?”
“Cossa devi digh, sciora? L'è voeuona di tanti disposizion del sindegh de Milan”
“Ma el sindegh, el pò nò andà contra la leg”
Se capiss che al marì, sta discussion la ghe dà fastidi perchè el ribatt:
“Teresa, se 'sta disposizion la gh'è, ghe sarà el sò perchè”
“Perchè o minga perchè, l'è minga giusta, e se tì, te fusset minga on mòrt in pee, 'sta strada te dovarisset falla anca tì come de diritto”
“Brava! Te me insegnet polito! Ciapparia ona multa salada e magara andaria al fresch”
Mi tasi per via de ch'el tal proverbi “Tra moglie e marito non mettere il dito” “Ch’el me disa lù, tassista, come la se spiega 'sta prepotenza?”
“Se devi digh la mia... per mì l'è nò ona prepotenza, perchè a Milan el traficch l'è semper ingorgaa pussee del necessari e allora bisògna dagh ai -mezzi pubblici- la manera de andà pussee svelt che sia possibil”
“E già! Lù el parla inscì perchè l'è on tassista. Ma se vun l'ha faa i salt mortai per comprà l’utilitaria, segond lù, el dovaria lassala in garag per lassà circolà comodament i cosi detti -mezzi pubblici-?”
“Se podaria semper ciappà el tramm o el tassi”
“E lù el cred ch’el tramm el sia semper lì a nòstra disposizion?... Che i tramvier sien mai in sciòpero? El sà nò che quand pioeuv fiòcca o tira vent, on tassi l'è come una guggia in d'un pajee?”
“Se pò ciamall per telefono”
“Me la cunta sòave... me la cunta! Anca el telefono a l’è on -mezzo pubblico- el fonziòna quand ghe pias e par a lù. El voeur savenn voeuna? L'è duu mes che ciami el posteg sul cors de Pòrta Romana e l'è duu mes che me rispond on abbonaa, che poverin ghe tocca de stà tutt el dì taccaa a la cornèta per rispond -ha sbagliato numero- E chi là, gh'hann bisògn el tassi”
“E lee l'ha mai reclamaa?”
“Alter che! Ma me dann naca trà”
“Quand l’è inscì, cara lee, parli pù”
“Bella scusa per minga damm reson...”
“Ben! Allora la me staga a sentì: la colpa l'è anca di automobilista, mas'c o femmin che doperen la macchina anca per andà a fà la spesa o per portà el fioeu a scòla e andà a toeull. O magara per andà in del perucchee a fass la permanent”
“Ma, el sà che l’è on bell villan?... Ma ch'el se cascia de quell ch’el fà lù... e minga quell che fann i alter!”
El marì el perd la pasienza... “Teresa piantela! e misura i termin! Te see tì che te l'hee inzigaa!”
“Mi l'hoo inzigaa on bell nagòtt. Mi disi quell che me par, e tì tas!... Com'è, semm giamò rivaa?”
In del calor de la discussion la sera minga accorgiuda de vess sul porton de cà soa.
“E va ben! Semm rivaa! Ch'el me scusa tassista, devi ricognuss che l'ha faa prest... Ma Arturo, come mai che tì te ghe mettet inscì tanto con la cinch-cent?”
E se la ciappa con quell pòver òmm, la ghe dà del bamba, del lumaga, fintant che lù el s'ciòppa:
“Ma lù tassista, cossa gh'è vegnuu in ment de fà la sercia di navili?... On altra vòlta ch'el vaga al Polo Nord, el lassa giò la mia Teresa, poeu ch'el tornaa indree per la circonvalazion...”
“Sarà servito!!”
... e s’ciavo !
Se necessiti di un paio di consigli tecnici, per lasciare il tuo commento a questo a questo racconto, clicca sull'icona SOS Mail qui a lato, ed accederai alla scheda tecnica, che in quattro semplici passaggi ti chiarirà tutti i dubbi.
Se scrivom... elbor