Novembre 2015
Leggendo questo breve racconto mi ha davvero divertito, per la storia raccontata da Luisin, mi ha fornito la spiegazione la cui risposta avevo sotto al naso, e mi ha fatto ricordare una vecchia e bella abitudine, che c’era e forse ancora c’è, tra due categorie di lavoratori che entrambi operano in strada; Vigili e Tassisti.
Per leggere tutto il post clicca sull'immagine a lato oppure qui
La domanda me l’ero fatta mentre facevo la “copertina” dei racconti del Luisin tassista, tratti dal suo “Quand fasevi el sciaffoeur de piazza”. Colorando di giallo la Fiat 124, (mi pare che fosse questo il modello, molto in auge tra i taxisti) mi chiedevo; chissà perché ha voluto farsi fotografare proprio lì, che per farci stare anche la macchina nell’inquadratura, ha dovuto farla salire sul marciapiede?
Adesso l’ho capito! Ignurant… Per 'veg in la stessa fòto el Carlin, el Luisin e el sò lavorà, tutta la sua Milano
Buona lettra. elbor
Ona boccada d'aria milanesa
A l’aeropòrto de Linaa hoo caregaa sù 'l mè tassi trii arabi che cont i sègn pussee che cont i paròll m'hann daa de capì che voreven andà in d'on sit in doe gh'era on canal d'acqua con sù i barconi.
“El navili?...” Ghe foo!
Se guarden in faccia, masteghen on queicòss tra de lor e poeu cont el coo fann sègn de sì. E mì, careghi i valis, ghe doo ona sgiaffa al ragionatt, che l'è el tassametro, giri la ciavetta, denter la marcia, schisci el ciòd... e se và!
Quand semm lì a Pòrta Ticinesa me fann sègn de svoltà giò vers l'alzana del navili Grand e de infilà el Vicol di Lavandee. E lì se fermom.
Intanta che son 'dree scaregà i valis, salta voltra ona tribù de nariggitt cont i sò mamm rangiaa sù compagn di stròlegh, che ghe fann festa ai mè client, perchè lor, i trii arabi... eren rivaa a cà soa.
Mì, che son nassuu e cressuu a Pòrta Ticinesa e che per mì el Vicol di Lavandee, come simbol de Milan, per certi vers tucc mè particolar el ven subit dopo del Dòmm (ma minga de tanto) a vedè che l'è diventaa ona Tripolitania... oej, me sè strengiuu el coeur!
Se anca chì, parlen pù el milanes, Milan l'è pù Milan! Oh pòver el mè Milan, come t'hann consciaa! E per tiramm sù cont el moral e respirà ona boccada d'aria milanesa, a voo ai colònn de San Lorenz.
Foo per andà in del trani che gh'è sul canton de Via di Faber per bev on bianchin e fà quatter ciaccer cont on quei aventor... ma pòrca vacca!
Al pòst del trani me troeuvi lì denanz on ristorant de quei cines!
Sbirci dedree di tendin de la vedrina e vedi passà di camerer con la faccia smòrta compagn d'on pett!
L'è minga assee la giangianesia a Milan, adess la Cina l'è pù nanca tanto lontana, ghe l'emm chì denter de la sercia del navili.
Invers come 'na pidria, cont el tassi foo on salt in Sant Ambroeus. E in del vedè 'sta bella gesa tutta nòstra, me se slarga el coeur.
Ma in quella senti ona vos dedree di spall.
“Plis plis... stare qui Lionard?”
Me vòlti e vedi on spilongon vestii de magher con la macchina fotografica a tracòla, (che inscì a oeucc e cros el stimavi on ingles) che l'era adree vegnì giò d'on autòbus caregh de forestee de tucc i razz.
Ghe rispondi:
“No scior! Questa essere la gesa del Santo Ambrogio”
“Ochej ochej... ma dove stare cenacolo Lionard?”
“... E per andà in del Lionard, ch'el vaga in fond de la piazza e poeu svoltare de manzina sù el Cors Magenta...”
E son scappaa, ma però me consolavi “Almen questi chì hinn de passagg” Decidi de andà al vecc verzee in doe el Carlin Porta l’andava a scòla de lengua. Anca se adess la scòla la gh'è pù perchè i verzeratt hann faa san michee e hinn andaa fin giò la in fond a cà del diavol, in di paraggi de la cassina Trecca, e anca lì se parla domà puglies e sicilian o giò de lì. Ma per fortuna, al verzee vecc gh'è restaa la statua del nòster poetta.
Me disevi:
“Se on poo d'aria milanesa la gh’è ancamò a Milan, non la pò che vèss quella che se respira intorna al monument del Carlo Porta”
Rivi, fermi l'automobile a fil del marciapee e me metti a faccia faccia con lù, el Carlo Porta, me par de vedel viv tal qual l'era ai sò temp e de parlagh insèma!
“Carlin tì, e Luisin mì, milanes vun, e milanes l'alter, tì poetta... e cont el tò permess... anca mì on ciccinin poetta... se ben te pòrti nanca 'dree i sciavatt e tucc e duu cont el coeur ambrosian... oh Carlin te preghi! Famm trovà ancamò vun ch'el parla milanes... ma fammel stoo miracol... Ma fammel per debon!”
“Ej lù tassista! Ch'el vegna giò di nivol...” Me volti... “Concilia?” Me senti a di! A l'era on ghisa cont el taccuin e l'apis in man.
“L'automobile qui non può sostare... allora se femm? Concilia o femm el verbal?”
Per podè schivà la multa e dagh l'insavonada al ghisa, de brav tassista, hoo tiraa foeura tutt el mè repertòri de piangina.
“Oh scior vigil el gh'ha reson, orco se 'l gh'ha reson!... Ma el ved, pròpi inscì senza nanca savell, come divòlt se fa... me sont incantaa denanz del Porta... e per minga stà lì coi man in man... ghe pregavi de famm incontrà on milanes minga de quei arios che al dì d'incoeu l'è come cercà ona mosca bianca”
“Se l'è per quell, gh'ho piesè de digh che on vero milanes l'ha trovaa senza fa fadiga, ecco son mì! Ezio Soffientini, vigile urbano, nato e cresciuto all'ombra della Madonnina!”
“Ciosca oej! Ma el piesè l'è tutt mè... e allora... vist e consideraa... che semm patriòta, se podaria minga... magara... divòlt... tra nun...”
“E nò, car el mè òmm!... El dover l'è dover, el sò tassi a l'è in sòsta proibida... ma per dimostragh la mia simpatia... ciah!... Ch’el vegna insèma a mì al bar che ghe paghi de bev!”
Se ghe fuss on quai vun, specialment de sera, che ghe capita de trovas in di part de la Conca Falada, che ’l proeuva cascià dent el coo in quella piòla cont el gioeugh di bòcc che la fà de canton con la strada Pavesa, oltra bev on biccer de vin de quei al bacio e magari cantà in alegria i vegg canzon milanes insèma a tanta brava gent, el podaria vedè taccaa sul mur i famosi quader de l'Ezio Soffientin, che in pròpi bei e var la pèna de guardai. Disi inscì perchè l'è vera, minga perchè l'Ezio l’è diventaa on mè amis.
... e s'ciavo !
Sciur ghisa, l’è dree andà a cà?
Mi pareva evidente, e certamente è parso chiaro anche a te… che non era in questo modo che el Luisin tassista ha conosciuto l’Ezio Soffientini. Tutti noi sappiamo che quell’aneddoto è frutto della creatività e della divertente allegria che il Luigi Carcano metteva nei suoi racconti.
Ma… sai come sono fatto. Non ho resistito e sono andato a tampinare l’Ezio, e infatti… ma…è venuta fuori una vecchia buona abitudine che non so se oggi è ancora in… voga.
Se vuoi sentire un estratto della conversazione, anche in milanese, che ho avuto con l'Ezio, clicca sulla barra audio. Mi piace mettere una testimonianza di un buon milanese, parlato bene (il suo...).